Full resolution (JPEG)
- On this page / på denna sida
- Haraldz saga ins hárfagra
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Haraldz saga ins hárfagra.
K. 1. Haraldr tók konungdóm.
Haraldr tók konungdóm eptir fǫður sinn; þá var hann x.
vetra gamall; hann var allra manna mestr ok sterkastr ok fríðastr
sýnum, vitr maðr ok skǫrungr mikill. Guthormr, móðurbróðir
hans, gerðisk forstjóri fyrir hirðinni ok fyrir ǫllum landráðum;
hann var hertogi fyrir liðinu. Eptir líflát Hálfdanar svarta
gengu margir hǫfðingjar á ríkit, þat er hann hafði leift; var inn
fyrsti maðr Gandálfr konungr ok þeir brœðr, Hǫgni ok Fróði,
synir Eysteins konungs af Heiðmǫrk, ok Hǫgni Káruson gekk
víða yfir Hringaríki. Þá byrjar ferð sína Haki Gandálfsson út
á Vestfold með ccc. manna, ok fór it øfra um dali nǫkkura ok
ætlaði at koma á óvart Haraldi konungi, en Gandálfr konungr
sat í Lóndum með her sinn, ok þar ætlaði hann at flytjask yfir
fjǫrðinn á Vestfold. En er þat spyrr Guthormr hertogi, samnar
hann her ok ferr með Haraldi konungi, ok vendir fyrst móti
Haka upp á land ok finnask þeir í dal nǫkkurum; varð þar
orrosta ok fekk Haraldr konungr sigr; þar fell Haki konungr ok
mikill hluti liðs hans; þar heitir síðan Hakadalr. Eptir þat venda
þeir aptr, Haraldr konungr ok Guthormr hertogi, en þá var
Gandálfr konungr kominn á Vestfold, ok fara nú hvárir móti
ǫðrum, ok er þeir finnask, verðr orrosta hǫrð; þaðan flýði
Gandálfr konungr ok lét mestan hluta liðs síns ok komsk við
svá búit í ríki sitt. Ok er þessi tíðendi spyrja synir Eysteins
konungs á Heiðmǫrk, væntu þeir sér skjótt hers. Þeir gera orð
Hǫgna Kárusyni ok Guðbrandi hersi ok leggja stefnu sína á
Heiðmǫrk á Hringisakri.
K. 2. Fall Eysteinssona.
Eptir þessar orrostur ferr Haraldr konungr ok Guthormr
hertogi ok alt lið þat, er þeir fá, ok venda til Uplanda ok fara
<< prev. page << föreg. sida << >> nästa sida >> next page >>
Project Runeberg, Sun Dec 10 06:24:58 2023
(aronsson)
(diff)
(history)
(download)
<< Previous
Next >>
https://runeberg.org/heimskring/0052.html
