Full resolution (JPEG) - On this page / på denna sida - Haraldz saga ins hárfagra
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
bróðir hans. Þórir haklangr hafði lagt skip sitt í móti skipi
Haraldz konungs ok var Þórir berserkr mikill; var þar allhǫrð
atsókn, áðr Þórir haklangr fell; var þá hroðit alt skip hans.
Þá flýði Kjǫtvi konungr ok í hólma nǫkkurn, þar er vígi var
mikit; síðan flýði alt lið þeira, sumt á skipum, en sumt hljóp
á land upp ok svá it øfra suðr um Jaðar; svá segir Hornklofi:
51. Heyrðir í Hafrsfirði,
hvé hizug barðisk
konungr enn kynstóri
við Kjǫtva enn auðlagða;
knerrir kómu austan,
kaps of lystir,
með gínǫndum hǫfðum
ok grǫfnum tinglum.
52. Hlaðnir vǫ́ru hǫlða
ok hvítra skjalda,
vigra vestrœnna
ok valskra sverða;
grenjuðu berserkir,
guðr vas á sinnum,
emjuðu ulfheðnar
ok ísǫrn dúðu.
53. Freistuðu ens framráða,
es þeim flýja kendi,
allvalds austmanna,
es býr at Utsteini;
stóðum Nǫkkva brá,
es vas styrjar væni;
hlǫmmun vas á hlífum,
áðr Haklangr felli.
54. Leiddisk þá fyr Lúfu
landi at halda
hilmi inum halsdigra,
holm lézk at skjaldi;
slógusk und sessþiljur,
es sárir vǫ́ru,
létu upp stjǫlu stúpa,
stungu í kjǫl hǫfðum.
55. Á baki létu blíkja,
barðir vǫ́ru grjóti,
Sváfnis salnæfrar
seggir hyggjandi;
æstusk austkylfur
ok of Jaðar hljópu
heim ór Hafrsfirði,
hugðu á mjǫðdrykkju.
<< prev. page << föreg. sida << >> nästa sida >> next page >>