Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
et alios reges et principes orbis terrae eo principalius
atque per amplius tangit et respicit, et ad ipsius
promotionem negotii, cum causa deposcit, eo adstricti tenemur
obnoxius, quo ad exaltationem et augmentum ejusdem
fidei et defensionem ecclesiae et ecclesiasticae libertatis
commissam suscepisse recognoscimus et fatemur et
traditam divinitus potestatem. Nuper siquidem nonnulli
comites, barones et milites regni nostri, fide dignae
quidem et magnae auctoritatis personae, moti, ut dicebant,
fervore fidei, sincerae devotionis affectu et zelo caritatis
inducti, sacrosanctae Romanae et universali ecclesiae matri
suae, quam sub praesidentia B. nunc ejusdem ecclesiae
regimini praesidentis miserabiliter deprimi ac
deformationem enormen et jacturam pati dicebant, compatientes ab
intimis, ac Christianae fidei, in qua salus animarum
consistit, et quae suis temporibus (proh dolor) contabescit et
deperit, excidio condolentes, ad ipsius ecclesiae et totius
christianitatis salubre regimen et bonum statum ac
reparationem et exaltationem catholicae fidei, votis, ut dicebant,
ferventibus intendentes, maxime cum eidem ecclesiae, fidei
fundamento et animarum saluti summe expediat, ut
dominici gregis ovili nonnisi verus et legitimus ac vere et
legitime pastor praesit, et quod ab eadem ecclesia, sponsa
Christi, quae non habet maculam neque rugam, omnis
error, scandalum, iniquitas ac injustitia repellatur, ac toti
mundo, quem ex perversis actibus, detestandis operibus
et perniciosis exemplis dicti Bonifacii in guerris et
tenebris manere dicebant, salus, pax et tranquillitas, divina
favente misericordia, procurentur, contra dictum
Bonifa-cium haereticae pravitatis et alia diversa enormia,
horribilia ac detestabilia crimina, quibus eum irretitum esse
dicebant, et super eo publice ac notorie diffamatum, nobis
ac archiepiscopis, episcopis et aliis praelatis ac personis
ecclesiasticis, qui pro suis et ecclesiarum agendis
convenerunt, ac baronibus, comitibus et aliis nobilibus regni
nostri praesentibus, asseruerunt, proposuerunt et
objecerunt publice et patenter, praestitis ab eisdem objectoribus,
<< prev. page << föreg. sida << >> nästa sida >> next page >>
