Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
nivium casu in campestribus suffocentur, aut à bestiis famelicis
insuperabili agmine congredientibus devorentur. Quo casu magna custodia
sit præagnantium mulierum & parvulorum, quos avidius tanquam
delicatiorem escam insequuntur, prout inferius de luporum natura dicetur.
Locus, quem his ultimis indigitat, est libro XVIII. c. 13. ubi ita
habet: Viatores armatos incedere oportet, præcipue mulieres partui
viciniores, quibus lupi capto odore magis insidiantur. Ideoque nulla
fœmina sola permittitur itinerari, quin armatus custos illi assistat. Unde
liquet, lupos esse, unde maximum prægnantibus accidat periculum,
& hoc in Lapponia præcipue timeri Lupos apud Samuelem Rheen
in verbis antea prolatis excipiunt gulones. Sunt & hi non
infrequentes apud Lapponas. Caput habent rotundius non nihil,
dentes validos acutosque, similis Lupinis, corpus amplum, pedes
breviores quales lutrarum solent esse. Pellis est nigerrimi coloris de
qua verissime Olaus Magnus. Candet fuscata nigredine, instar
panni Damasceni, diversis ornata figuris. Sunt, qui Zabellinis pellibus
quodammodo æquiparent, nisi quod habeant delicatiores mollioresque
pilos Zabellinæ. Animal ipsum non in terris modo degit,
sed plerumque etiam in aquis, ritu lutrarum, quanquam majus sit, &
validius. Unde aliqui ad lutras referunt, quippe quarum æquat
magnitudinem vel superat. Neque cedit verocitate, quin imo
antecellit, unde nomen etiam accepit. Olaus: Patrio sermone
(Suetico) Ierff dicitur, & lingua Germanica Vilefraß, à multa
comestione. Scaligero Exerc. CCIII. vocatur Wildfraß. Verba ejus:
Rosomachæ nomen Sclavum est. Suetici Ierf dicunt, Germani Wildfras.
Sed Germanicum hoc vocabulum non notat devorantem multa,
sed sylvestria & fera. VVild enim Germanis ferum significat.
Itaque vel non intellexit satis Scaliger Germanicum vocabulum, vel
quod magis puto, amanuensis aut typographus scripturam ejus
minus probe secutus est. Quod ex eo quoque patet, quoniam gulo
non feras modo consectatur, sed & animantia domestica, ut in
Suecia non semel est compertum, imo aquatilia quoque, cum in
aquis degere non infrequenter soleat. Castores in Lapponia sunt
plurimi, quia tota regio piscibus abundat, unde copiosum habent
<< prev. page << föreg. sida << >> nästa sida >> next page >>
