Full resolution (JPEG) - On this page / på denna sida - Uphaf sǫgu Hákonar góða
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
þóttisk hann liðs þurfa; sendi hann þá orð Sigurði jarli at
koma til sín ok svá ǫðrum hǫfðingjum, þeim er honum var liðs
at ván. Sigurðr jarl kom til Hákonar konungs ok hafði allmikit
lið; váru þar þá allir Þrœndir, þeir er um vetrinn hǫfðu mest
gengit at konunginum, at pynda hann til blóta; váru þeir þá
allir í sætt teknir af fortǫlum Sigurðar jarls. Fór Hákon
konungr þá suðr með landi, en er hann kom suðr um Stað, þá
spurði hann, at Eiríkssynir váru þá komnir á Norðr-Agðir; fóru
þá hvárir í móti ǫðrum; varð fundr þeira á Kǫrmt. Gengu
þá hvárir af skipum ok bǫrðusk á Ǫgvaldznesi; váru hvárir-tveggju
allfjǫlmennir; varð þar orrosta mikil, sótti Hákon
konungr hart fram, ok var þar fyrir Gothormr konungr Eiríksson
með sína sveit, ok eigask þeir hǫggvaskipti við. Þar fell
Gothormr konungr ok var merki hans niðr hǫggvit; fell þar
þá mart lið um hann; því næst kom flótti í lið Eiríkssona, ok
flýðu þeir til skipanna ok røru í brot ok hǫfðu látit mikit lið;
þess getr Guthormr sindri:
78. Valþagnar lét vegnum
vígnest saman bresta
handar vafs of hǫfðum
hlymmildingum gildir;
þar gekk Njǫrðr af Nirði
nadds hámána raddar
valbrands víðra landa
vápnunduðum sunda.
79. Almdrógar varð œgis
(opt sinn ek þess minnumk)
barma ǫld fyr Baldri
bensíks vita ríkis;
bǫðsœkir helt bríkar,
brœðr, sínum, ok flœðu
undan, allar kindir
Eireks, á haf snekkjum.
K. 20. Lagasetning Hákonar konungs. |
<< prev. page << föreg. sida << >> nästa sida >> next page >>